Marketing Mix '4Ps'

Marketing Mix'4Ps' & INTEGRATED MARKETING

الماركيتير المحترف هو ال يقدر يحقق معادلة
The Four P Components of 4Ps = Product & Price & Promotion & Place
سعر + منتج + مكان +دعايه =ماركيتنج مدمج أو متكامل

1- The Product

لما تيجي تشتغل علي المنتج هتركز علي تنوع المنتج وانك تقدر تنزل اكبر تشكيلة منه ممكنه وتكون منافس قوي داخل السوق مع ألاخذ في الاعتبار انه يكون منتج بجودة عالية جدا قدر المستطاع.
بيفرق مع المستهلك ومع أي حد " الانطباع الاول " بمعني انك لازم تهتم أوي باسم المنتج ال هينزل وطريقة تصميمه لانك بتبني صورة تكاد تكون مستمرة في ذهن المستهلك.
الضمانات من الحجات المشجعه للمستهلك أنه يقبل علي شراء السلعه لانه بيحس بالثقة في المنتج, لو كان متردد في شرائها هيشتريها حتمآ وخصوصآ لو مدة الضمان طويلة.
وأهم نقطة اتكلمنا فيها قبل كده ان المنتج بتاعك لازم يكون بيلبي احتياجات المستهلك ورغباته وبيوصله الخدمه المطلوبه بالشكل المناسب ال يليق بيه.

2- The Price

نقطة مهمه جدآ يمكن تكون من أوائل الحجات ال مستهلك بيسأل عنها وهي" السعر", حصل تنوع في المنتج يبقي بناء عليه هيتم تنوع في ألاسعار ووضع قائمة بيها, بحيث انك تقدر تحقق أكبر ربح بأقل سعر ممكن تنزله يرضي المستلك, والصين طبعا أول واحده بتشتغل علي النقطه دي.
حاول انك توسع طرق الدفع لو في امكانية لكده, بمعني انه ممكن يسدد علي فترات " القسط " أو انه يدفع آجل. والطريقة دي بتكون ناجحه جدا وخصوصا مع الموظفين المعتمدين علي الراتب الشهري فقط, كده ممكن اوي يشتري المنتج في اي وقت.

3- Promotion

صممت المنتج بالموصفات المطلوبة والسعر المناسب؟؟؟ ابدا عملية ترويج المبيعات, ابدا اعلن عنه سواء بطريقة مباشرة للمستهلك او غير مباشرة.
والاعلانات والدعاية حاليآ أصبحت أسهل من الاول بكتير وممكن تكون بتكلفة رمزية ودا عن طريق النت مثلا والعلاقات العامة ومواقع التواصل الاجتماعي.

4- Place

انزل بالمنتج واعمل تغطية كبيرة في السوق. المستهلك بيحب المنتج المتوفر في كل مكان, دا غير ان انتشار المنتج في حد ذاته يعتبر دعاية له.
اعمل دراسة حول افضل نوع نقل ممكن تنقل بيه المنتج بحيث تضمن وصوله للتاجر والمستهلك بالشكل المطلوب, وخصوصآ لو كانت منتجات غذائية محتاجه ثلاجات معينه او سلع زجاجية قابله للكسر.

Note:- *4Ps = 4Cs*

بعد المجهود ال بذلته من أجل تحقيق معادلتك لماركيتنج متكامل, لازم تعرف انك حققت معاها:-
1- Product =Customer solution & لبيت احتياجات المستهلك
2- Price=Customer Cost & وفرت السعر المناسب للمستهلك
3- Promotion=Communication & حققت عملية التواصل
4- Place=convenience & وفرة راحة التاجر و المستهلك بتوفير المنتج

باختصار:-
مهمتك ك ماركيتير هي ابتكار أنشطة ماركيتنج وتجميع برامج تسويقية متكاملة تماما لخلق وتقديم قيمة للمستهلكين.
اجعل الشركة قادرة لطرح مزيج من المنتجات والخدمات والاسعار,وذلك باستخدام مزيج من الاتصالات والإعلانات، وترويج المبيعات، والأحداث والتجارب، والعلاقات العامة، والتسويق المباشر، والبيع الشخصي للوصول إلى جميع سبل التجارة واستهداف العملاء.

لازم نعرف ان الشركة عادة بيكون عندها نوعين من التغيرات, واحد علي المدي القصير مثل:- تغيير سعر المنتج, حجم قوة البيع, ونفقات الدعاية والاخر علي المدي البعيد مثل:- انها تطور منتج جديد ,وتعدل من أماكن التوزيع لديها.

والشركات الفائزة هي تلك التي يمكن أن تلبي احتياجات العملاء اقتصاديااااااااا مع التواصل الفعال.
على سبيل المثال، استراتيجية اتصال متكاملة تتضمن اختيار خيارات الاتصال التي تعزز وتكمل بعضها البعض. المسوق قد يستخدم بشكل انتقائي التلفزيون والإذاعة، والإعلانات المطبوعة، والعلاقات العامة والفعاليات, والاتصالات موقع ويب بحيث يكون الكل يساهم من تلقاء نفسه وكذلك يحسن من فعالية الآخرين.

تقدر تنفذ اي نشاط تسويقي انت محتاجه مع فقط الاخذ في الاعتبار الي جميع الانشطة التسويقية الاخري